Background History

ဦးစီးဌာနနောက်ခံသမိုင်း

 ပြည်ထောင်စုမြန်မာနိုင်ငံ မြန်မာစာပေပြုစုရေးနှင့်ဘာသာပြန် ကော်မရှင်

၁၉၆၃ ခုနှစ် သြဂုတ်လ ၂၇ ရက်နေ့တွင် ပြည်ထောင်စု မြန်မာနိုင်ငံ မြန်မာစာပေ ပြုစုရေးနှင့် ဘာသာပြန်ကော်မရှင် ဥပဒေကို ပြည်ထောင်စုမြန်မာနိုင်ငံ တော်လှန်ရေးကောင်စီက ပြဋ္ဌာန်းသည်။
ဥပဒေအရ ပြည်ထောင်စုမြန်မာနိုင်ငံ မြန်မာစာပေပြုစုရေးနှင့် ဘာသာပြန်ကော်မရှင်ကို ဖွဲ့စည်းသည်။

မြန်မာစာကော်မီရှင်

၁၉၇၁ ခုနှစ် စက်တင်ဘာလ ၁၅ ရက်နေ့တွင် တော်လှန်ရေး ကောင်စီက မြန်မာစာကော်မီရှင် ဥပဒေကို ပြဋ္ဌာန်းသည်။
ဥပဒေအရ မြန်မာစာကော်မီရှင်ကို ဖွဲ့စည်းသည်။

မြန်မာစာအဖွဲ့

၁၉၇၅ ခုနှစ် နိုဝင်ဘာလ ၁၂ ရက်နေ့တွင် မြန်မာစာအဖွဲ့ ဥပဒေကို ပြည်သူ့လွတ်တော်က ပြဋ္ဌာန်းသည်။
ဥပဒေအရ ၁၉၇၆ ခုနှစ် ဖေဖော်ဝါရီလ ၂၅ ရက်နေ့တွင် မြန်မာစာအဖွဲ့ကို ဖွဲ့စည်းသည်။

 မြန်မာစာအဖွဲ့ဦးစီးဌာန

၁၉၇၆ ခုနှစ် ဇူလိုင်လ ၂၆ ရက်နေ့တွင် မြန်မာစာအဖွဲ့ရုံးကို မြန်မာစာအဖွဲ့ဦးစီးဌာနအဖြစ် ပြောင်းလဲ ဖွဲ့စည်းသည်။
မြန်မာစာနှင့်ဘာသာစကားပညာရေးဦးစီးဌာန

၂၀၁၅ ခုနှစ် ဧပြီလ ၁ ရက်နေ့တွင် မြန်မာစာအဖွဲ့ဦးစီးဌာနကို မြန်မာစာနှင့်ဘာသာစကား ပညာရေး ဦးစီးဌာနအဖြစ် ပြင်ဆင် ဖွဲ့စည်းသည်။
မြန်မာစာဌာနခွဲ၊ တိုင်းရင်းသားဘာသာစကားဌာနခွဲ၊ ဘာသာ ပြန်ဌာနခွဲ၊ အိုင်စီတီ ဌာနခွဲ၊ စီမံ/ဘဏ္ဍာဌာနခွဲတို့ကို ဖွဲ့စည်းပုံ အင်အားအသစ်ဖြင့် တိုးချဲ့ဖွဲ့စည်းသည်။

မြန်မာနိုင်ငံတိုင်းရင်းသား ဘာသာစကားဦးစီးဌာန

၂၀၁၆ ခုနှစ် ဇူလိုင်လ ၇ ရက်နေ့တွင် မြန်မာစာနှင့်ဘာသာစကားပညာရေးဦးစီးဌာနကို မြန်မာနိုင်ငံ တိုင်းရင်းသားဘာသာစကားဦးစီးဌာန အဖြစ် ပြောင်းလဲဖွဲ့စည်းသည်။
မြန်မာစာအဖွဲ့၊ မြန်မာစာဌာနခွဲ၊ တိုင်းရင်းသား ဘာသာစကားဌာနခွဲ၊ ဘာသာပြန်ဌာနခွဲ၊ စာကြည့်တိုက်၊ အိုင်စီတီဌာနခွဲ၊ စီမံ/ဘဏ္ဍာဌာနခွဲတို့ဖြင့် ဟန်ချက်ညီညီ ချိတ်ဆက်ကာ လုပ်ငန်းတာဝန်များကို အကောင်အထည် ဖော်လျက်ရှိသည်။

Comments are closed.